رۆژى 1 / 6 / 2007 کۆمەڵێک لە برا مەسیحییەکانى شارى کەرکووک کنیسەى ( ئەلعائلة ئەلموقەدسە ـ قس عیماد یلدا ) سەردانى بەرپرسى لقیان کرد و بە ئامادەبوونى جێگرى بەرپرسى لق مەبەست لەم سەردانە سەبارەت بە برایەتى نێوان گەلى کورد و ئاشوورى و کلدان کە پێکەوە لە شارى برایەتى و تەبایى کەرکووکدا دەژین و پشتگیرى خۆیان دەربڕى بۆ جێبەجێکردنى ماددەى 140 ى دەستوورى هەمیشەیى عێراقى فیدڕاڵ .

رۆژى 1 / 6 / 2007 ( نەجات حەسەن ) بەرپرسى لق لەگەڵً کۆمەڵێک لە هەڤاڵانى کارگێڕ و ئەندامانى لق سەردانى مەڵبەندى دووى ڕێکخستنى یەکێتى نیشتمانى کوردستانیان کرد لە شارى کەرکووک و لە لایەن ( رەفعەت عەبدووڵلا ) بەرپرسى مەڵبەند و هەیئەتى مەڵبەند پێشوازییان لێکرا مەبەست لەم سەردانە بۆ پیرۆزبایى کردن بوو لێیان بە بۆنەى یادى 32 ساڵەى دامەزراندنى یەکێتى نیشتمانى کوردستان و بەرپرسى ئومێد خواست ئەم یادە ببێتە هاندەرێک بۆ برایەتى و خزمەتکردنى شارى کەرکووکى دڵى کوردستان .

رۆژى 3 / 6 / 2007 هەیئەتى سوپاى کەرکووک سەردانى لقیان کرد و لە لایەن ( نەجات حەسەن ) بەرپرسى لق و ( محەمەد کەمال ) جێگرى بەرپرسى لق و کارگێڕ و ئەندامانى لق پێشوازییان لێکرا و مەبەست لەم سەردانە بۆ ئەوەبوو لە بارەى وەزعى شارى کەرکووک لە ڕووى ئەمنییەوە و هەوڵدان بۆ چارەسەرکردن و باشترکردنى وەزعى ئەمنى شارى کەرکووک و هەورەها لەسەر چۆنیەتى ئالیەتى جێبەجێکردنى ماددەى 140 ى دەستورى هەمیشەیى عێراقى فیدڕاڵ بە تێروتەسەلى باسى لێوەکرا و گفتوگۆکرا لەسەریان .

رۆژى 5 / 6 / 2007 ( نەجات حەسەن ) بەرپرسى لق پێشوازیکرد لە ( کاوە ئەنوەر ) ئەندامى نووسینگەى ڕاگەیاندنى مەکتەبى ڕێزدار ( نێچیرڤان بارزانى ) سەرۆکى حکومەتى هەرێمى کوردستان ، هەروەها هەڤاڵ ( نەجمەددین عەبدوڵڵا ) ئەنداتمىە پارتیمان لە ئەوروپا ئامادەى ئەم چاوپێکەوتنە بوو ، مەبەست لەم سەردانە پێشکەشکردنى چەند پەرتوکێک بوو بۆ بەرپرسى لق .

رۆژى 9 / 6 / 2007 ( نەجات حەسەن ) بەرپرسى لق پێشوازیکرد لە شاندێکى سەندیکاى ئەندازیارانى کشتوکاڵ لە کۆبونەوەیەکدا باس لە ئیشوکارى سەندیکاکە کرا و ئەو کێشە و گیروگرفتانەى کە دێتە پێشیان ، بەرپرسى لق هانیانیدا بۆ خزمەتکردنى چینى جوتیاران لە گشت ڕوویەکەوە چونکە جووتیار چینێکى یەکجار بەهێزە بۆ پێشخستنى ئاستى بەرهەمهێنان .

رۆژى 9 / 6 / 2007 ( نەجات حەسەن ) بەرپرسى لق بەئامادەبوونى ( محەمەد کەمال ) جێگرى بەرپرسى لق سەردانى لیژنەى ناوچەى دووى کەرکووکیان کرد لە گەڕەکى شۆرجە و لە لایەن ( عوسمان گەرمیان ) و هەیئەتى ناوچەوە پێشوازى گەرمیان لێکرا و مەبەست لەم سەردانە بۆ بەسەر کردنەوەى وەزعى ئەو ناوچەیەو کێشە و گیروگرفتەکانیان و هەروەها باس لە وەزعى ڕێکخستنى پارتیمان کرا و پاشان هەستان بەسەردانى چەند بنەماڵەیەکى شەهیدە سەربەرزەکانمان لەو گەڕەکە .

رۆژى 13 / 6 / 2007 ( نەجات حەسەن ) بەرپرسى لق لەگەڵ کارگێڕ و مەکتەبى پەیوەندییەکانى لق پێشوازیکرد لە شاندێکى هێزە فرەڕەگەزەکان لە کەرکووک لەو سەردانەدا باس لە وەزعى ئاسایشى شارى کەرکووک و هەروەها هەنگاوەکانى جێبەجێکردنى ماددەى 140 ى دەستوورى هەمیشەی عێراقى فیدڕاڵ کرا .

رۆژى 14 / 6 / 2007 ( نەجات حەسەن ) بەرپرسى لق پێشوازیکرد لە دیندار زێبارى نوێنەرى حکومەتى هەرێمى کوردستان لە ئەنجومەنى ئاسایشى نێودەوڵەتى ، لە کۆبونەوەیەکدا باس لە ڕەوشى ئێستاى کوردى کرد لەو ئەنجومەن و باسى ماددەى 140 ى دەستوورى کرد کە ئەنجومەنى ئاسایش تەئکید دەکاتەوە کە دەبێ بە پێى دەستوورى عێراقى جێبەجێ بکرێت و هەروەها تەئکید کرایەوە لە موئتەمەرى شەرەم ئەلشێخ بۆ هەمان مەبەست .

رۆژى 16 / 6 / 2007 ( نەجات حەسەن ) بەرپرسى لق بە یاوەرى کارگێڕى لق ( هادى شاوەیس ) سەردانى تەکییەى ( شێخ فواد الحنتاوى ) یان کرد بۆ هەوڵدان بۆ چارەسەرکردنى ئەو کێشەیەى کە لەسەر زەوى ڕوویدابوو لە نێوان دانیشتوانى ناوچەکە و لە ئجامدا شەڕ ڕوویدا و دوو کەس کوژران و سێ کەسى تر برینداربوون لە عەشیرەتى نعێم ، لە لایەن ( شێخ فواد ) ئامادەیى خۆى دەبڕى بۆ هەر هەولبَدانێک بۆ چارەسەر کردنى کێشەکە و شایانى باسە ( مکرم لەیلانى ) ئامادەبوو لەو چاوپێکەوتنە .
 

رۆژى 18 / 6 / 2007 ( نەجات حەسەن ) بەرپرسى لق بە یاوەرى ( محەمەد کەمال ) جێگرى بەرپرسى لق سەردانى بەڕێوەبەرایەتى پۆلیسى پارێزگاى کەرکووکیان کرد و لە لایەن ( لیوا جەمال ) سەرکردەى پۆلیسى کەرکووک و عەمید ( سەرحەد قادر ) بەڕێوەبەرى پۆلیسى قەزا و ناحیەکان پێشوازییان لێکرا و لەو چاوپێکەوتنەدا باس لە بارى ئاسایش شارى کەرکووک کرا و بەرپرسى لق ئومێدى خواست کە بەو پەڕى توانا لە خزمەتکردنى جەماوەرى شارى کەرکووک بن .

رۆژى 18 / 6 / 2007 ( نەجات حەسەن ) بەرپرسى لق بە یاوەرى ( محەمەد کەمال ) جێگرى بەرپرسى لق سەردانى بنکەى پۆلیسى ئازادى یان کرد و لە لایەن ( عەقید بێستون ) پێشواتزى لێکرا و باس لە کار و چالاکییەکانى ئەو بەڕێوەبەرایەتییە کرا و جەخت کرایەوە لەسەر ئەوەى کە دەبێ رۆڵى زیاتر بگێڕن لە پێناو نەهێشتنى تیرۆریستان و کارە ناڕەواکانیان دژ بە گەلەکەمان .

رۆژى 19 / 6 / 2007 ( نەجات حەسەن ) بەرپرسى لق پێشوازیکرد لە شاندێکى دانیشتوانى شارى کەرکووک و شاندەکە وێڕاى سوپاسى و پیزانینى خۆیان بۆ لق باس لە چۆنیەتى پێکهێنان و دامەزراندنى ئەنجومەن کرد و تیایدا ئامادەیى خۆیان بۆ پشتگیرى ماددەى 140 ى دەستوور و گیانى برایەتى و تەبایى لە شارى کەرکووک کرد و پاشچان بەرپرسى لق باس لە چۆنیەتى چارەسەرکردنى کێًشەکانى شارى کەرکووکى کرد و ئامادەیى سەرکردایەتى کورد بۆ پێشخستنى پرۆسەى ئەمنى شارەکە کە ئەولەویاتى ئێمەیە و ئامادەیى بۆ سەرکەوتنى ئەم ئەنجومەنە کە پێکهاتەیەکى کەرکووکى تەواوە .

رۆژى 19 / 6 / 2007 ( نەجات حەسەن ) بەرپرسى لق پێشوازیکرد لە کۆمەڵێک هاوڵاتى شارى کەرکووکى کرد و کۆمەڵێک کێشە و گیرو گرفتان هەبوو و دجاواى چارەسەرکردن و هاوکارییان دەکرد و بەرپرسى لق وڵامیانى دایەوە و بە پێ ى پێویست هاوکارى کران .

رۆژى 26 / 6 / 2007 ( نەجات حەسەن ) بەرپرسى لق پێشوازیکرد لـــــە لیوا ( یونس ) لەگەڵ کۆمەڵێک لە ئەفسەرانى لیواى دووى کەرکووک سەردانى بەرپرسى لق یان کرد و باس لە وەزعى ئاسایشى شارى کەرکووک کرا و تیشک خرایە سەر کارە تیرۆریستیەکان و ڕێگە گرتن لێیان و بتنەوکردنى برایەتى و تەبایى لەم شارە ، شایانى باسە بەرپرسى لیژنەى ناچوەى فەرمانبەران و و کارگێڕانى ناوچە ئامادەى ئەم چاوپێکەوتنە بوون .

رۆژى 26 / 6 / 2007 ( نەجات حەسەن ) بەرپرسى لە گەڵ ( وریاجاف ) کارگێڕى لق و بەرپرسى لیژنەى ناوچەى 4 و 6 ى کەرکووک سەردانى ماڵى ( فەرهاد دووبزنى ) یان کرد .

رۆژى 26 / 6 / 2007 ( نەجات حەسەن ) بەرپرسى لق سەردانى هۆڵى نەورۆزى کرد بۆ دابەشکردنى دیارى بەسەر هونەرمەندانى شانۆ و بەئامادەبوونى ( فەلەکەددین کاکەیى ) وەزیرى رۆشنبیرى حکومەتى هەرێمى کوردستان .

رۆژى 27 / 6 / 2007 ( نەجات حەسەن ) بەرپرسى لق سەردانى باخچەى عەرەفەى کرد بە ئامادەبوونى ( کۆسرەت نەجات حەسەن ) بەرپرسى لیژنەى ناوچەى فەرمانبەران و ( ئیحسان گلى ) قائمقامى قەزاى ناوەندى کەرکووک بە بۆنەى تەخەرج کردنى قوتابیانى زانکۆى کەرکووک بەهەموو بەشەکانى .

رۆژى 30 / 6 / 2007 ( نەجات حەسەن ) بەرپرسى لق ئامادەى دابەشکردنى بڕوانامە بەسەر ( 71 ) هەڤاڵ کە بەشدارییان کردبوو لە خولى رۆشنبیرى رزگارى بوو لە بارەگاى لق بۆ رۆشنبیرکردنى هەڤاڵان لە گشت بوارەکان و پێشخستنى ئاستى زانیارى هەڤاڵانمان .

رۆژى 30 / 6 / 2007 ( نەجات حەسەن ) بەرپرسى لق ئامادەى کۆنفرانسى رێکخراوەکانى کۆمەڵگاى مەدەنى بوو لە هۆڵى نەورۆز لە شارى کەرکووک بە ئامادەبوونى ( عبدالرحمن مستەفا ) پارێزگارى کەرکووک و ژمارەیەک لە پیاوەماقولان و ئایینى ئامادەى کۆنفرانسەکە بوون سەرەتا چەند بابەتێک پێشکەشکرا و تیایدا رۆڵى رێکخراوەکان باسى لێوەکرا و هاندانیان بۆ بتەوکردنى گیانى برایەتى لە نێوان سەرجەم نەتەوەکان و نەهێشتنى هەر قین و بوخزێک کە دووژمنان دەیانەوێت بیقۆزنەوە بۆ بەرژەوەندییە گڵاوەکانیان ، شایانى باسە کۆنفرانسەکە بەسەرکەوتویى کۆتایى هات .