3 / 3 / 2007 ( نه‌جات حه‌سه‌ن ) به‌رپرسى لق له‌ گه‌ڕه‌کى ئیمام قاسم کۆبونه‌وه‌یه‌کى سازکرد به‌ ئاماده‌بوونى ( خالد ئه‌حمه‌د ) به‌رپرسى لیژنه‌ى ناوچه‌ى چوارى که‌رکووک ، له‌و کۆبونه‌وه‌یه‌دا به‌رپرسى لق تیشکى خسته‌ سه‌ر خه‌بات و ماندووبونى ئه‌و که‌ڵه‌ى پیاوه‌ى سه‌ده‌ى بیسته‌م ( مسته‌فا بارزانى ) که‌ هه‌موو ژیانى له‌ پێناو ڕزگارى نه‌ته‌وه‌که‌ى ته‌رخان کردبوو و هه‌رگیز موساوه‌ى نه‌کردووه‌ له‌ مافه‌ ڕه‌واکانى نه‌ته‌وه‌که‌ى و خاوه‌ن میژوویه‌کى پڕ سه‌روه‌رییه‌ و ئه‌مڕۆ له‌ پێناو ئه‌و خه‌بات و ماندووبه‌ى گه‌له‌که‌مان به‌ رابه‌رایه‌تى ( بارزانى نه‌مر ) گه‌یشتووینه‌ته‌ ئاستێکى زۆر باش و سڵاو له‌ باوکى روحى نه‌ته‌وه‌ى کورد بارزانى نه‌مر ، هه‌روه‌ها تیشکى خسته‌ سه‌ر مادده‌ى 140 ى ده‌ستوور .

3 / 3 / 2007 به‌سه‌رپه‌رشتى ( نه‌جات حه‌سه‌ن ) به‌رپرسى لق کۆتایى به‌ خولى پێگه‌یاندنى لقى که‌رکووک هات و له‌ کۆتایى خوله‌که‌ بڕوانامه‌ و دیارى لقى که‌رکووک به‌ سه‌ر کادرانى به‌شداربوو له‌ خوله‌که‌ دابه‌شکرا و ئه‌م خوله‌ بۆ ماوه‌ى ( 5 ) رۆژ به‌رده‌وام بوو ، به‌رپرسى لق به‌و بۆنه‌یه‌وه‌ له‌ یادى کۆچى دوایى باوکى روحى نه‌ته‌وه‌ى کورد بارزانى نه‌مر باس له‌ رۆڵى ئه‌و پیاوه‌ مه‌زنه‌ کرد له‌ مێژووى نه‌ته‌وه‌که‌مان .

3 / 3 / 2007 ( نه‌جات حه‌سه‌ن ) به‌رپرسى لق بـــــــــــــــــــه‌ یاوه‌رى ( به‌هجه‌ت تورکه‌ ) کارگێڕى لق و به‌رپرسى مه‌کته‌بى په‌یوه‌ندییه‌کانى لق سه‌ردانى باره‌گاى حزبى شیوعى کوردستانیان کرد له‌ که‌رکووک به‌ مه‌به‌ستى به‌خێرهاتنه‌وه‌ى ( هاوڕىَ عه‌لى زه‌نگنه‌ ) ئه‌ندامى مه‌کته‌بى سیاسى حزبى شیوعى و به‌رپرسى کۆمیته‌ى پارێزگاى که‌رکووک ، باس له‌ ڕه‌وشى ئێستاى عێراق به‌ تایبه‌تى کوردستان ، له‌ خاڵه‌ هه‌ره‌ گرنگه‌کانى ئه‌مڕۆى عێراق مادده‌ى 140 ى ده‌ستوور تیشک خرایه‌ سه‌ر دوا هه‌نگاوه‌کانى ئه‌و مادده‌یه‌ .

3 / 3 / 2007 به‌ ئاماده‌بوونى ( نه‌جات حه‌سه‌ن ) به‌رپرسى لق کۆبونه‌وه‌یه‌ک ئه‌نجامدرا له‌گه‌ڵ مه‌کته‌بى ڕێکخستنى لق له‌گه‌ڵ سه‌رجه‌م لیژنه‌ ناوچه‌کانى سنوورى لق ، باس له‌ کار و چالاکى لیژنه‌ ناوچه‌کان کرا و بارودۆخى باره‌گاتکانیان و راى جه‌ماوه‌ر ، پاشان باس له‌ ڕه‌وشى ئه‌مڕۆى عێراق به‌گشتى و کوردستان به‌ تایبه‌تى کرا .

4 / 3 / 2007 به‌سه‌رپه‌رشتى ( نه‌جات حه‌سه‌ن ) به‌رپرسى لق باره‌گاى لیژنه‌ى ناوچه‌ى سىَ ى که‌رکووک کرایه‌وه‌ له‌ گه‌ڕه‌کى شۆرجه‌ ، له‌ ووته‌یه‌کدا به‌رپرسى لق ئومێدى خواست ئه‌م باره‌گایه‌ رۆڵى به‌رچاو بگێڕى له‌ پێشکه‌وتنى ڕێکخستنى پارتى له‌ شارى که‌رکووکى دڵى کوردستان .

4 / 3 / 2007 ( نه‌جات حه‌سه‌ن ) به‌رپرسى لق سه‌رپه‌رشتى کۆبونه‌وه‌یه‌کى له‌ باره‌گاى لق کرد له‌گه‌ڵ سه‌رجه‌م که‌وادرى سنوورى لیژنه‌ى ناوچه‌ى 2 ى که‌رکووک و له‌و کۆبونه‌وه‌یه‌دا باس له‌ هه‌نگاوه‌کان و ئاسته‌نگه‌کان له‌به‌رده‌م جێبه‌جێکردنى مادده‌ى 140 کرا و سه‌ره‌ڕاى چه‌ندین بایه‌تى په‌یوه‌ندار به‌خزمه‌تکردنى زیاترى جه‌ماوه‌ر و گوىَ گرتن له‌ داوا و بۆچوونه‌کانیان .

4 / 3 / 2007 ( نه‌جات حه‌سه‌ن ) به‌رپرسى لق ئاماده‌بوو له‌ پیشانگایه‌کى شێوه‌کارى یه‌کى ئازار که‌ له‌ لایه‌ن یه‌کێتى قوتابیانى کوردستان لقى که‌رکووک ئاماده‌کرابوو بۆ سىَ قوتابى له‌ هۆڵى عومه‌ر شه‌ریف .

5 / 3 / 2007 ( نه‌جات حه‌سه‌ن ) به‌رپرسى لق چاویکه‌وت به‌ سه‌رۆکى یانه‌ وه‌رزشییه‌کانى که‌رکووک و ده‌ست خۆشى کردنیان بۆ ئه‌و چالاکییانه‌ى ئه‌نجامى ده‌ده‌ن له‌ شارى که‌رکووک و هه‌وره‌ها به‌ڕێزیان بۆ سه‌رۆک یانه‌کان ئه‌وه‌بوو که‌ به‌ برایه‌تى هاوبه‌ش کاره‌ وه‌رزشییه‌کان ئه‌نجام بده‌ن له‌ شارى که‌رکووک له‌گه‌ڵ سه‌رجه‌م نه‌ته‌وه‌کانى تر ئه‌مه‌ و ڕێنماییه‌کانى به‌ڕێزیان بۆ خۆئاماده‌کرنى یانه‌کان بۆ هه‌ڵبژاردنى گشتى یانه‌کان .
 

5 / 3 / 2007 ( نه‌جات حه‌سه‌ن ) به‌رپرسى لق ئاماده‌بوو له‌ کردنه‌وه‌ى قوتابخانه‌ى ( قازى محه‌مه‌د ) و په‌رده‌ له‌ سه‌ر په‌یکه‌رى سه‌رکرده‌ ( قازى محه‌مه‌د ) لادرا ، شایانى باسه‌ قوتابخانه‌ى ناوبراو و په‌یکه‌رى ( قازى محه‌مه‌د ) له‌سه‌ر بودجه‌ى حکومه‌تى هه‌رێمى کوردستان کراوه‌ .

5 / 3 / 2007 ( نه‌جات حه‌سه‌ن ) به‌رپرسى لق به‌ ئاماده‌بوونى ( محه‌مه‌د که‌مال ) جێگرى به‌رپرسى لق و کارگێڕ و ئه‌ندامانى لق سه‌ردانى کۆمپانیاى نه‌وتى باکووریان کرد و له‌ لایه‌ن ( شێخ مه‌ناعه‌وه‌ ) پێشوازى گه‌رمیان لێکرا و باس له‌ چه‌سپاندنى مادده‌ى 140 کرا و گه‌ڕانه‌وه‌ى عه‌ره‌به‌ هاورده‌کان بۆ شوێنى خۆیان .

13 / 3 / 2007 ( نه‌جات حه‌سه‌ن ) به‌رپرسى لق پێشوازیکرد له‌ ( دکتۆر عه‌لى ) و کۆمه‌ڵێک که‌سایه‌تى شارى که‌رکووک و پالچپشتى خۆیان ده‌ربڕى بۆ جێبه‌جێکردنى مادده‌ى 140 ى ده‌ستوورى هه‌میشه‌یى عێراقى فیدڕال و به‌رپرسى لق ئاماژه‌ى به‌وه‌دا سه‌قامگیرى و ئاسایش له‌ عێراق به‌ جێبه‌جێکردنى ئه‌و مادده‌یه‌ جىَ ى خۆى ده‌گرێت .

13 / 3 / 2007 ( نه‌جات حه‌سه‌ن ) به‌رپرسى لق به‌یاوه‌رى ( محه‌مه‌د خورشید ) کارگێڕى لق و به‌رپرسى مه‌کته‌بى ڕێکخستن و کۆمه‌ڵێک له‌ کارگێڕ و ئه‌ندامانى لق به‌شدارییان کرد له‌ ئاهه‌نگى ده‌رچوونى قوتابیانى په‌یمانگه‌ى ته‌کنیکى و دیارى جه‌نابى سه‌رۆک بارزانى دابه‌شکرا به‌سه‌ر قوتابیانى ده‌رچووانى ( یه‌کم ) و ( دووه‌م ) و ( سێیه‌م ) ، هه‌وره‌ها په‌رده‌ له‌سه‌ر تابلۆى په‌یمانگاى ته‌کنیکى که‌رکووک لادرا له‌ لایه‌ن به‌رپرسى لق .

13 / 3 / 2007 ( نه‌جات حه‌سه‌ن ) به‌رپرسى لق پێشوازیکرد له‌ شاندێکى کۆمه‌ڵه‌ى رۆشنبیرانى عێراقى ، ( سه‌باح ئه‌للامى ) به‌رپرسى ئه‌و کۆمه‌ڵه‌یه‌ باس له‌ پێکه‌وه‌ژیانى سه‌رجه‌م نه‌ته‌وه‌کانى شارى که‌رکووک کرد و پاڵپشتى خۆیان ده‌ربڕى بۆ جێبه‌جێکردنى مادده‌ى 140 ى ده‌ستوورى هه‌میشه‌یى عێراقى فیدڕاڵ و ناڕه‌زایى خۆیان ده‌ربڕى به‌رامبه‌ر به‌و لایه‌نانه‌ى که‌ دژى ئه‌م مادده‌ى پیلان ده‌گێڕن .

13 / 3 / 2007 ( نه‌جات حه‌سه‌ن ) به‌رپرسى لق سه‌ردانى لقى که‌رکووکى یه‌کێتى قوتابیانى کوردستانى کرد بۆ په‌رده‌ لادان له‌ سه‌ر شه‌هیدانى هه‌ڵه‌بجه‌ى شه‌هید .

15 / 3 / 2007 ( نه‌جات حه‌سه‌ن ) به‌رپرسى لق و ( محه‌مه‌د که‌مال ) جێگرى به‌رپرس و هه‌ڤاڵانى کارگێڕى لق سه‌ردانى ( مه‌جلیس عه‌ره‌بى ئیستشارى ) یان کرد له‌ شارى که‌رکووک و له‌ لایه‌ن ( شێخ عه‌بدوڵلا سامى ئه‌لعاسى ) ئه‌ندامى ئه‌نجومه‌نى پارێزگاى که‌رکووک پێشوازییان لێکرا و ته‌وه‌رى گفتوگۆکه‌ ده‌رباره‌ى بارودۆخى که‌رکووک و مادده‌ى 140 ى ده‌ستوور بوو .

18 / 3 / 2007 ( نه‌جات حه‌سه‌ن ) به‌رپرسى لق پێشوازیکرد له ( سه‌ید عه‌لى نه‌عیمى ) له‌گه‌ڵ ( مه‌لا ئازاد ) ئیمام و خه‌تیبى مزگه‌وتى ئیخوان ، باس له‌ بارودۆخى شارى که‌رکووک و دواپێشهاته‌کان و مادده‌ى 140 ى ده‌ستوورى هه‌میشه‌یى عێراقى فیدڕاڵ کرا .

20 / 3 / 2007 ( نه‌جات حه‌سه‌ن ) به‌رپرسى لق سه‌ردانى به‌ڕێوه‌به‌رایه‌تى ئاسایشى که‌رکووکى کرد به‌ مه‌به‌ستى به‌شداریکردن له‌ ئاهه‌نگى جه‌ژنى نه‌ورۆز و له‌ لایه‌ن به‌ڕێوه‌به‌رى ئاسایشه‌وه‌ هه‌ڤاڵ ( هه‌ڵۆ ) پێشوازییان لێکرا .  

25 / 3 / 2007 ( نه‌جات حه‌سه‌ن ) به‌رپرسى لق پێشوازیکرد له‌ شاندێکى یه‌کێتى ئافره‌تانى کوردستان لقى که‌رکووک و له‌ لایه‌ن شاندى میوانه‌وه‌ جوانترین پیرۆزبایى پێشکه‌ش به‌ به‌رپرسى لق و هه‌ڤاڵانى لق کرا ، هه‌وه‌رها به‌رپرسى لق سوپاسى ڕۆڵى ئه‌ندامانى کۆنگره‌ى یه‌کێتى ئافره‌تانى کوردستانى کرد و هیواى سه‌رکه‌وتنى بۆیان خواست و پیرۆزبایى له‌ ده‌سته‌ى تازه‌ى مه‌کته‌بى سکرتارییه‌ت کرد .

26 / 3 / 2007 ( نه‌جات حه‌سه‌ن ) به‌رپرسى لق له‌ گه‌ڵ هه‌ڤاڵ ( عه‌دنان که‌رکووکى ) کارگَڕى لق و به‌رپرسى مه‌کته‌بى ڕێکخراوه‌ جه‌ماوه‌رى و پیشه‌ییه‌کانى لق سه‌ردانى زانکۆى که‌رکووکیان کرد و له‌ لایه‌ن ( دکتۆر حوسێن خانه‌قا ) باس له‌ وه‌زعى گشتى خوێندنى باڵا و کێشه‌کانى زانکۆ کرا و به‌رپرسى لق ئاماده‌یى خۆى ده‌ربڕى بۆ هه‌ر هاوکارییه‌ک بۆ چاره‌سه‌ر کردنى که‌م و کورییه‌کانى ناو زانکۆ له‌ پێناو پێشخستنى ئاستى خوێندن له‌ شارى که‌رکووک .

28 / 3 / 2007 ( نه‌جات حه‌سه‌ن ) به‌رپرسى لق پێشوازیکرد له‌ ( ئه‌حمه‌د عوبیدى ) ئه‌ندامانى ئه‌نجومه‌نى پارێزگاى که‌رکووک له‌گه‌ڵ هه‌ندێک له‌ برا عاره‌به‌کان و باس له‌ جێبه‌جێکردنى مادده‌ى 140 ى ده‌ستوورى هه‌میشه‌یى عێراقى فیدڕاڵ کرا و گه‌ڕانه‌وه‌ى عاره‌به‌ هاورده‌کانى بۆ زێدى باوباپیریان ، هه‌روه‌ها تیشک خرایه‌ سه‌ر بارودۆخى ئاسایشى شارى که‌رکووک ، شاندى میوان پشتگیرى خۆیان ده‌ربڕى بۆ جێبه‌جێکردنى ئه‌و مادده‌ى و گه‌ڕانه‌وه‌ى شارى که‌رکووک بۆ سه‌ر هه‌رێم .

28 / 3 / 2007 ( نه‌جات حه‌سه‌ن ) به‌رپرسى لق سه‌ردانى لیژنه‌ى ناوچه‌ى پردىَ ى پارتى دیموکراتى کوردستان کرد و له‌ لایه‌ن هه‌ڤاڵ ( هێمن مه‌سعود ساڵه‌یى ) به‌رپرسى ناوچه‌ و هه‌ئیه‌تى لیژنه‌ى ناوچه‌ پێشوازى لێکرا ، ئه‌م سه‌ردانه‌ بۆ ئاگاداربوون له‌ وه‌زعى ئه‌م شارۆچکه‌یه‌ له‌ گشت ڕوویه‌که‌وه‌ ، پاشان له‌ لیژنه‌ى ناوچه‌ کۆبونه‌وه‌یه‌ک ئه‌نجام درا باس له‌ پێشهات و ڕووداوه‌کانى سه‌ر گۆڕه‌پانى عێراق به‌ گشت و کوردستان به‌ تایبه‌تى .