8 / 4 / 2007 ( نه‌جات حه‌سه‌ن ) به‌رپرسى لق به‌ یاوه‌رى ( محه‌مه‌د که‌مال ) جێگیرى به‌رپرسى لق و ( دڵشاد پیرۆت ) ئه‌ندامى ئه‌نجومه‌نى پارێزگاى که‌رکووک سه‌ردانى ( مترانییه‌ى کلدان ) ى کرد به‌ بۆنه‌ى جه‌ژنى قیامه‌ى مه‌سیحێکان و پیرۆزبایى ئاراسته‌ى سه‌رجه‌م مه‌سیحێکان به‌ گشتى و شارى که‌رکووک به‌ تایبه‌تى کرد و تیشکى خسته‌ سه‌ر ئه‌وه‌ى که‌ کوردستان جێگاى سه‌رجه‌م ئایینێکانه‌ و هیچ جیاوزییه‌ک نییه‌ له‌ نێوان ئایینه‌کان .

10 / 4 / 2007 ( نه‌جات حه‌سه‌ن ) به‌رپرسى لق سه‌ردانى لیژنه‌ى ناوچه‌ى دووبزى کرد و له‌ لایه‌ن هه‌یئه‌تى ناوچه‌وه‌ پێشوازییان لێکرا و کۆبونه‌وه‌یه‌ک سازکرا له‌گه‌ڵ هه‌یئه‌تى ناوچه‌ له‌ هۆڵى جه‌ماوه‌رییه‌کان له‌گه‌ڵ سه‌رجه‌م کادیران ، رونکردنه‌وه‌یه‌ک پێشکه‌شکرا له‌ سه‌ر بارودۆخى سنوره‌که‌ و ئه‌و پڕۆژه‌خزمه‌تگوزارییانه‌ى که‌ ئه‌نجام دراوه‌ ، به‌رپرسى لق تیشکى خسته‌ سه‌ر ئه‌وه‌ى که‌ ده‌بىَ برایه‌تى نێوان سه‌رجه‌م نه‌ته‌وه‌کان بته‌وبکرێت و په‌یوه‌ندى توندوتوڵ بکرێت له‌گه‌ڵ سه‌رجه‌م لایه‌نه‌ سیاسییه‌کانى ده‌ڤه‌ره‌که‌ ، پاشان رونکردنه‌وه‌یه‌کى تیروته‌سه‌لى له‌سه‌ر مادده‌ى 140 و ئه‌و هه‌نگاوانه‌ى که‌ نراوه‌ بۆ ئه‌و مادده‌یه‌ .
 

12 / 4 / 2007 ( نه‌جات حه‌سه‌ن ) به‌رپرسى لق سه‌ردانى لیژنه‌ى ناوچه‌ى داقووقى کرد و له‌ لایه‌ن هه‌یئه‌تى ناوچه‌وه‌ پێشوازییان لێکرا و به‌رپرسى لق کۆڕێکى سازکرد و باس له‌ ئیشوکارى ناوچه‌ و ئه‌و کێشه‌ و گیروگرفتانه‌ى که‌ له‌م شارۆچکه‌یه‌دا هه‌یه‌ و پێداویستییان له‌ ڕووى خزمه‌تگوزارى یه‌وه‌ و وه‌زعى ئاسایش و ئارامى لم شارۆچکه‌یه‌ ، شایانى باسه‌ نوێنه‌رى سه‌رۆکى هه‌رێمى کوردستان ئاماده‌ى ئه‌م سه‌ردانه‌ بوو .

18 / 4 / 2007 ( نه‌جات حه‌سه‌ن ) به‌رپرسى لق چاویکه‌وت به‌ کۆمه‌ڵێکى له‌ ئافره‌تانى شارى که‌رکووک و له‌و دیداره‌دا به‌رپرسى گوىَ گرت له‌ داواکارییه‌کانیان و به‌ڵێنیدا به‌ پێى پێویست هاوکارییان بکات بۆ چاره‌سه‌رکردنى کێشه‌کانیان .

17 / 4 / 2007 ( نه‌جات حه‌سه‌ن ) به‌رپرسى لق سه‌رپه‌رشتى کۆبونه‌وه‌یه‌کى حزبه‌ کوردستانییه‌کانى کرد له‌ هۆڵى کۆبونه‌وه‌کانى لق به‌ مه‌به‌ستى هه‌ماهه‌نگى نێوان حزبه‌ کوردستانییه‌کان ، سه‌ره‌تا باس له‌ پشتگیرى له‌ لێدوانه‌کانى جه‌نابى سه‌رۆک بارزانى کرد و هه‌روه‌ها تیشکى خسته‌ سه‌ر ئه‌وه‌ى ئه‌م کۆبونه‌وانه‌ به‌رده‌وام بێت بۆ ئه‌وه‌ى زیاتر هه‌موولایه‌کمان ئاگادارى ڕووداو و پێشهاته‌کان بین .

18 / 4 / 2007 ( نه‌جات حه‌سه‌ن ) به‌رپرسى لق و جێگرى به‌رپرسى لق و کارگێڕ و ئه‌ندامانى لق سه‌ردانى پارێزگاى که‌رکووکیان کرد و له‌ لایه‌ن پارێزگارى که‌رکووک پێشوازى گه‌رمیان لێکرا و له‌و دیداره‌دا باس له‌ بارى ئاسایشى شارى که‌رکووک و وه‌زعى به‌ڕێوه‌به‌رایه‌تى پۆلیسى شارى که‌رکووک و بنکه‌کان و پێداویستیه‌کانیان کرا و ئه‌و هه‌نگاوانه‌ى که‌ حکومه‌تى عێراق هاویشتوێتى بۆ جێبه‌جىَ کردنى ئو مادده‌یه‌ ‌ .
 

18 / 4 / 2007 ( نه‌جات حه‌سه‌ن ) به‌رپرسى لق به‌ یاوه‌ى جێگرى به‌رپرسى لق و کارگێڕ و ئه‌ندامانى لق سه‌ردانى قائمقامیه‌تى قه‌زاى که‌رکووکى کرد و له‌ لایه‌ن قائمقامه‌وه‌ پێشوازى لێکرا و باس له‌ بارودۆخى شارى که‌رکووک کرا و ئه‌و کێشه‌ و گیروگرفتانه‌ى که‌ هه‌ن تاوتوێکرا .

18 / 4 / 2007 ( نه‌جات حه‌سه‌ن ) به‌رپرسى لق به‌ یاوه‌ى جێگرى به‌رپرسى لق و کارگێڕ و ئه‌ندامانى لق سه‌ردانى به‌ڕێوه‌به‌رایه‌تى پۆلیسى پارێزگاى که‌رکوکیان کرد و له‌ لایه‌ن ( لیوا تۆڕهان ) ـه‌وه‌ پێشوازییه‌کى گه‌رمیان لێکرا و له‌و چاوپێکه‌وتنه‌دا باس له‌ پۆلیسه‌کانى شارى که‌رکووک و بنکه‌کانیان کرا و چۆنیه‌تى جێبه‌جىَ کردنى ئه‌رکى سه‌رشانیان و ئه‌و که‌م و کوڕَیانه‌ى هه‌یانه‌ .

18 / 4 / 2007 ( نه‌جات حه‌سه‌ن ) به‌رپرسى لق به‌ یاوه‌ى جێگرى به‌رپرسى لق و کارگێڕ و ئه‌ندامانى لق سه‌ردانى به‌ڕێوه‌به‌رایه‌تى پۆلیسى پارێزگاى که‌رکووکى کرد و له‌ لایه‌ن ( لیوا شێرکۆ )قائدى پۆلیسى که‌رکووکه‌وه‌ و ( لیوا تۆرهان ) به‌ڕێوه‌به‌رى پۆلیسى که‌رکووک پێشوازییان لێکرا و له‌و دیداره‌دا باس له‌ بارى ئه‌منى شارى که‌رکووک و وه‌زعى به‌ڕێوه‌به‌رایه‌تى پۆلیس و ئه‌و که‌م و کوڕیانه‌ى که‌ دێنه‌ پیش له‌ سه‌رجه‌م دام و ده‌زگاکانى پۆلیس ، به‌رپرسى لق ئومیَِدى خواست که‌ به‌و په‌ڕى توانا له‌ خزمه‌تکردنى جه‌ماوه‌رى شارى که‌رکووک بن بۆ ئه‌وه‌ى ئاسایش ئه‌م شاره‌ له‌ تیرۆریستان بپارێزن .

18 / 4 / 2007 ( نه‌جات حه‌سه‌ن ) به‌رپرسى لق به‌ یاوه‌ى جێگرى به‌رپرسى لق و کارگێڕ و ئه‌ندامانى لق سه‌ردانى به‌ڕێوه‌به‌رایه‌تى پۆلیسى قه‌زا و ناحیه‌کانى پارێزگاى که‌رکووکى کرد و له‌ لایه‌ن ( عه‌مید سه‌رحه‌د ) ه‌وه‌ پێشوازى گه‌رمیان لێکرا و باس له‌ وه‌زعى شارۆچکه‌کانى ده‌ورووبه‌رى شارى که‌رکووک کرا و بارى ئاسایش له‌و ناوچانه‌ و وه‌زعى هاوڵاتیان له‌ رووى ئاسایشه‌وه‌ .